Тропарь, кондак святой вмч. Параскеве-Пятнице

Тропарь, глас 4

Премудрая и всехвальная Христова мученица Параскева, мужескую крепость приимши, женскую же немощь отвергши, диавола победи и мучителя посрами, вопиющи и глаголющи: приидите, тело мое мечем ссецыте и огнем сожгите, аз бо, радующися, иду ко Христу, Жениху моему. Тоя молитвами, Христе Боже, спаси души наша.

Кондак, глас 3

Всесвятое и непорочное мучение принесши, яко вено пречестное, безсмертному Жениху Христу, Ангельское ликостояние возвеселила еси и победила еси демонския козни. Сего ради тя честно верою чтим, мученице Параскево многострадальная.

Ин тропарь святой великомученицы Параскевы

глас 8

Иже веруя и мужеством душевным, тезоименитне,/ диавола посрамила еси/ и мучительское прещение и раны доблественне победила еси,/ мученице Параскево, вопия:/ мечем сосецайте и огнем сожизайте тело мое,/ яко да, радуюся, прииду Жениху моему Христу Богу./ Егоже моли спастися душам нашим.

Просмотров (50)